समाचारहरू

नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टी (नेकपा) का तीन जना कार्यकर्तालाई प्रहरीले काठमाडौँबाट पुस २२ गते गिरफ्तार गरेको छ ।

नेकपाका काठमाडौँ जिल्ला सेक्रेटरी मकवानपुर जिल्ला बाग्मती गाउँपालिका–५ घर भएका ४० वर्षीय विपिन भनिने भीमसेन घिमिरे, ठेगाना नखुलेका काठमाडौँ जिल्ला सदस्य ३७ वर्षीय हरिबहादुर चन्द र दैलेख जिल्ला आठवीस नगरपालिका–३ घर भएका वीरेन्द्र शाही रहेका छन् ।

उनीहरूलाई प्रहरीको विशेष ब्युरो र महानगरीय प्रहरी कार्यालय, रानीपोखरीको संयुक्त टोलीले काठमाडौँका विभिन्न स्थानबाट गिरफ्तार गरेको महानगरीय प्रहरी परिसर काठमाडौँका डिएसपी प्रमिश विष्टले बताउनु भयो ।

डिएसपी प्रमिश विष्टका अनुसार तीनै जनाको वीर अस्पतालमा स्वास्थ्य परीक्षण गरी काठमाडौँ प्रहरी परिसर, टेकुले हिरासतमा राखी अनुसन्धान गरिरहेको छ ।

विमला पौडेल