१५ ओटा मतदान केन्द्र अति सम्वेदनशील

  ०७४ कात्तिक १८ गते

आगामी मङ्सीर १० गते सम्पन्न हुने प्रतिनिधि सभा र प्रदेश सभाको निर्वाचनका लागि हुम्लामा तोकिएका ५२ मतदान केन्द्र मध्ये १५ ओटा केन्द्र अति सम्वेदनशील रहेका छन् ।

सुरक्षा सम्वेदनशीलताको आधारमा अति सम्वेदनशील मतदान केन्द्रमा अहिलेदेखि नै सुरक्षाकर्मी परिचालन गरिएको प्रमुख जिल्ला अधिकारी लक्ष्मीप्रसाद बास्कोटाले बताए ।

निर्वाचनलाई भयरहित वातावरणमा सम्पन्न गर्नका लागि हरेक गाउँपालिकामा सईको कमाण्डमा एउटा मोवाइल टोली परिचालन गरिएको जिल्ला प्रहरी कार्यालयका डिएसपी कमलप्रसाद नेपालले बताए ।

हुम्ला जिल्लमा विशेष गरी भौगोलिक विकटताको मतदान केन्द्रमा जान/आउनको लागि अति समस्या भएको प्रमुख जिल्ला अधिकारी बास्कोटाले बताए ।

जिल्लाका ५२ मतदान केन्द्रमध्ये २१ ओटा सामान्य, १६ ओटा सम्वेदनशील र १५ ओटा अति सम्वेदनशील रहेका छन् ।


नन्द सिंह