होटेल सञ्चालकद्वारा बालमजदुरमाथि कुटपिट

  ०७६ जेठ १ गते

स्वास्तिक होटल धनगढीमा काम गर्दै आएका भागेश्वर गाउँपालिका–५ का १५ वर्षीय लक्ष्मण ठकुराठीलाई धनगढी उपमहानगरपालिका–१३ चटकपुरस्थित स्वास्तिक होटलका सञ्चालक टेकबहादुर महतोले जेठ १ गते कुटपिट गरेको पीडित पक्षले आरोप लगाएको छ ।

होटेल सञ्चालक महतोको होटलमा बालमजदुरका रूपमा काम गर्दै आएका ठकुराठीले काम गरेको ज्याला माग्दा आरोपितले कुटपिट गरेको पीडित बालकले बताए ।

कुटपिटबाट घाइते भएका ठकुराठीको उपचार धनगढीस्थित सिपी अस्पतालमा भइरहेको छ । पीडित पक्षबाट लिखित उजुरी नआएका कारण कानुनी उपचार सुरू गर्न बाँकी नै रहेको जिल्ला प्रहरी कार्यालय, कैलालीका डिएसपी दक्षकुमार बस्नेतले बताए ।


मैनामोती चौधरी