हिंसापीडित महिला न्यायका लागि प्रहरीमा

  ०७६ असोज ३ गते

सासू र पतिको यातनापछि पीडित भएको भन्दै बर्जु गाउँपालिका–५ की २१ वर्षीया महिला २१ वर्षीया सन्तोषी मेहताले असोज २ गते प्रहरीमा उजुरी दर्ता गराएकी छन् ।

दुई वर्षअघि सप्तरीको हनुमाननगर नगरपालिकामा विवाह गरेकी सन्तोषी मेहतालाई २४ वर्षीय पवन मेहता र सासू कल्पना मेहताले छोरी जन्माएको महिना नबित्दै शारीरिक यातना सहित घर निकाला गरेको भन्दै उजुरी आएको प्रहरीले जनायो ।

०७४ वैशाख २८ गते मागी विवाह गरेकी सन्तोषीलाई सासूसहित पतिले यातना दिने र गर्भवती भएको समयमा समेत कुटपिट गरेको र छोरी पाएपछि थप शारीरिक यातना दिएकाले डेढ महिनाकी छोरीसहित न्यायका लागि जिल्ला प्रहरी कार्यालय सुनसरीसम्म आइपुगेकी बताएकी छन् ।

उनले आफ्नो कोखबाट साउन १५ गते छोरी लक्ष्मी मेहता जन्माएको र त्यसको हप्ता दिन नबित्दै घर निकाला गरेकाले माइतीघरमा बस्दै आएको बताइन् ।


जयकृष्ण यादव