हत्या घटनाका आरोपित पति गिरफ्तार

  ०७६ कात्तिक २१ गते

कर्जन्हा नपा–२ की ४० वर्षीया कविता पासवानलाई घरायसी विवादका कारणले बन्चरो प्रहार गरी हत्या गरेको आरोपमा प्रहरीले ४५ वर्षीय पति रामबाबू पासवानलाई कात्तिक २० गते गिरफतार गरेको छ ।

कवितालाई आरोपितले कात्तिक २० गते बिहान घरायसी विवादका कारण बन्चरो प्रहार गरेको आरोप छ ।

बन्चरो प्रहारबाट घाइते भएकी कवितालाई उपचारको लागि कर्जन्हास्थित फुलकुमारी अस्पतालमा पुर्‍याएपछि मृत्यु भएको इलाका प्रहरी कार्यालय मिर्चैयाका डिएसपी सुकदेव खनालले बताए ।

बन्चरो प्रहार गरी फरार रहेका आरोपितलाई लुकेर जङ्गलमा बसेको अवस्थामा गिरफ्तार गरेको डिएसपी खनालले बताए ।

शवको पोष्टमार्टमा लहानस्थित रामकुमार उमाप्रसाद स्मारक अस्पतालमा कात्तिक २० गते गरिएको प्रहरीले जनाएको छ ।


दुर्गा परियार