हत्या घटनाका आरोपित गिरफ्तार

  ०७६ मङ्सिर २ गते

कानेपोखरी गाउँपालिका–१ होक्लाबारीकी ५५ वर्षीया सीता सोरेनको हत्या गरेको आरापमा प्रहरीले भाइहरू ५१ वर्षीय विजय किस्कु र ३२ वर्षीय वीरेन्द्र किस्कुलाई कात्तिक ३० गते गिरफ्तार गरेको छ ।
जग्गाको अंश विवादका क्रममा आरोपितद्वयले कात्तिक २९ गते सीतालाई कुटपिट गरेको आरोप छ । कुटपिटबाट घाइते भएकी पीडितको उपचार गर्ने क्रममा विराट नर्सिङ्ग अस्पातलमा कात्तिक २९ गते मृत्यु भएपछि आरोपितद्वयलाई कात्तिक ३० गते गिरफ्तार गरेको जिल्ला प्रहरी कार्यालयका डिएसपी घनश्याम श्रेष्ठले बताए ।
शवको पोष्टमार्टम कोशी अञ्चल अस्पताल विराटनगरमा कात्तिक ३० गते गरी शव परिवारलाई जिम्मा लगाएको प्रहरीले जनाएको छ ।


इन्दिरा भट्टराई