स्वास्थ्य चौकीमा स्वास्थ्यकर्मी र औषधि अभाव

  ०७३ भदौ ३० गते

बाजुराका स्वास्थ्य चौकीहरूमा औषधिको चरम अभाव भएको छ । पहिलो चौमासिकमा अउनु पर्ने औषधिसमेत नआउँदा समस्या भएको हो । स्वास्थ्य चौकीबाट पाइने निशुल्क औषधिको लागि बिरमीहरूलाई मेडिकलमा पठाउनु पर्ने भएको कोटीला स्वास्थ्य चौकीका इञ्चार्ज जसीराम शाहानीले बताए ।

उनले स्वास्थ्य चौकीमा समान्य जीङ्क चक्की, जीवनजल, सलाईन, स्टेचरलगायतका औषधि नभएको बताए ।

‘पहिलो चौमासिकमा आउनु पर्ने औषधिसमेत प्राथामिक स्वास्थ्य चौकी कोल्टीबाट आएको छैन ।’–उनले भने ।

त्यस्तै स्वास्थ्य चौकीमा दरबन्दी अनुसार कर्मचारी नहुँदा समस्या भएको छ । गाउँघर क्लिनिकदेखि गर्भवती चेक जाँचमासमेत समस्या भएको कोटीला स्वास्थ्य चौकी इञ्चार्ज जसीराम शाहानीले बताए । स्वास्थ्य चौकीमा दुई जना अनमी, दुई जना अहेव र एक इञ्चार्ज हुनु पर्ने भएपनि तीन जनाले काम चलाएको शाहानीले बताए ।

गाविसका नौ ओटै वडाहरुमा स्टेचरको आवश्यकता भएपनि गाविसभरमा दुई ओटा मात्र छन् । स्टेचर अभावका कारण सुत्केरी महिला र इमरजेन्सी बिरामीको लागि समस्या भइरहेको स्थानीयले गुनासो गरेका छन् । स्वास्थ्य चौकीको तथ्याङ्क अनुसार दैनिक ५०/६० जना बिरामी सेवा लिन आउने गरेका छन् ।

नेपाल सरकारले जिल्ला स्वस्थ्य कार्यलयमा ७० प्रकार र स्वास्थ्य चौकीमा ३५ प्रकारका औषधि उपलब्ध गराउने भनेपनि कार्यन्ययनमा भने औषधिको अभाव रहेको छ ।


पदम सिंह