सोरू गाउँपालिकामा खाद्यान्न अभाव

  ०७७ असोज २६ गते

सोरू गाँउपालिकामा खाद्यान्न ढुवानी गर्न जिम्मा लिएको ठेकदारले  ढुवानी नगर्दा खाद्यान्न अभाव भएको छ ।

सोरू गाँउपालिका-११ वडाका स्थानीयबासिहरूलाई सहुलिएतमा बिक्रि गरिने सोरूकोट खाद्य डिपो र कालै बिक्रि केन्द्रका लागि खाद्यान्न ढुवानीको जिम्मा लिएको ठेकेदारले ढुवानी नगर्दा खाद्यान्न अभाव भएको हो ।

खाद्यान्न ढुवानी नहुँदा कर्मचारी समेत सदरमुकाममा छन । सर्वसाधारणले महङ्गो तिरेर बजारको खाद्यान्न उपभोग गर्न बाध्यछन । खाद्य संस्थाको भन्दा बजारको खाद्यान्न २ सय देखि ३ सय रूपियाँ बढी मुल्य तिरेर किन्नु परेको सोरु गाउँपालिका-८ कि लालकला रावलले दुःखेसो गर्नुभयो ।

उहाँका अनुसार खाद्य डिपोमा ३० किलोको बोरालाई १ हजार ५ सय पर्ने चामललाई बजारमा १ हजार ८ सय मुल्य पर्ने गरेको छ ।

यस सम्बन्धमा सोरू गाउँपालिकाका अध्यक्ष लोकबहादुर शाहीले ठेकेदारको कारण खाद्यान्न सम्बन्धित डिपो र बिक्रि केन्द्रमा नपुगेकोले तत्काल ढुवानी गर्न खाद्य व्यवस्था तथा व्यापार कम्पनी शाखा कार्यालय मुगुलाई पत्राचार गरेकोे इन्सेकलाई बताउनु भयो ।

चालु आर्थिक वर्षमा नेपाल खाद्य संस्थानले सोरूकोट डिपोका लागि सुर्खेतबाट १ हजार खाद्य व्यवस्था मुगुबाट १ हजार र कालै बिक्रि केन्द्रका लागि ४ हजार क्विन्टल खाद्यान्न ढुवानी गर्न जिम्मा लिएको शर्मा ढुवानी सेवाले ढुवानी नगर्दा अभाव भएको खाद्य व्यवस्था तथा व्यापार कम्पनी शाखा कार्यालय मुगुका सुचना अधिकारी पुस्कर भामले इन्सेक प्रतिनिधिलाई बताउनुभयो ।

अन्य गाउँपालिकामा ढुवानी भइरहेको तर सोरूमा ढिलासुस्ती गर्ने ठेकेदार पक्षलाई तत्काल ढुवानी गर्न ताकेता गरिरहेको भामको भनाई छ ।


जीवन सेजुवाल