सामूहिक हत्या घटनाका आरोपित गिरफ्तार

  ०७५ फागुन ९ गते

गर्भवती महिलासहित दुई जनाको हत्या गरेको आरोपमा मिक्वाखोला गाँउपालिका–४ साँवाका २७ वर्षीय चतुरमान साँवा लिम्बूलाई प्रहरीले गिरफ्तार गरेको छ ।

फुङलिङ नगरपालिका–४ कोप्चेमा होटल व्यवसाय सञ्चालन गर्दै आएकी २८ वर्षीया गर्भवती महिला शान्ता राई र उनका ३५ वर्षीय पति दिलकुमार राईको ०६५ वैशाख ५ गते हत्या गरी फरार रहेका आरोपितलाई प्रहरीले फागुन ७ गते गिरफ्तार गरेको हो ।

घटनापछि विभिन्न ठाउँमा लुकेर बस्दै आएका आरोपितलाई कास्की प्रहरीको सहयोगमा फागुन ५ गते पोखराबाट गिरफ्तार गरी जिल्ला ल्याईएको डिएसपी सञ्जयसिंह थापाले बताए ।

हत्या गरिएका दम्पती झापाको गौरीगञ्ज गाँउपालिकाका स्थायी बासिन्दा हुन् । शवको पोष्टमार्टम जिल्ला अस्पतालमा ०६५ वैशाख ६ गते गरिएको थियो ।


देवराज गुरूङ