सदरमुकाममा खानेपानीको समस्या हुँदा जनजीवन प्रभावित
जिल्ला सदरमुकाम बेसीशहर बजारमा खानेपानीको अभाव हुँदा समस्या भएको छ । पानीको मुहान सुख्खाको कारण सुक्न थालेपछि खानेपानीको अभाव भएको बेसीशहर खानेपानी सरसफाई तथा उपभोक्ता समितिका अध्यक्ष कृष्णलाल प्रधानले बताए ।
हाल बजारमा दैनिक रूपमा प्रतिसेकेण्ड ३८ लिटर पानी आपुर्ति हुनपर्नेमा दैनिकरूपमा प्रतिसेकेण्ड २१ लिटर पानी मात्र आपुर्ति हुने गरेको प्रधानको भनाई छ ।
बजारमा २ हजार ६ सय ७० धाराबाट बजार क्षेत्रमा ३५ लाख उपभोक्तालाई खानेपानी वितरण गर्दै आइरहेको प्रधानले जानकारी दिए ।
पर्यटकको आवागमन समेत बढी हुने समयमा खानेपानी अभाव हुँदा होटल व्यवसायमा समेत समस्य भएको होटल ब्यवसायी बताउँछन् ।
जिल्लामा पानी उपलब्ध गराउने ट्याङकर समेत सहजै नपाइने हुँदा झनै समस्या परेको घलेगाउँ गेष्ट हाउसका प्रोपाइटर आशवीर गुरूङले बताए ।
पानीको अभाव हुँदा जिल्ला कारागारमा समेत कैदीबन्दीलाई खाना पकाउन, सरसफाइ र शौचालयमा प्रयोग गर्न समेत समस्या भएको जिल्ला कारागारका निमित्त प्रमुख मनिशा चन्दले बताइन् ।
पानीको अभावको कारणले गर्दा जिल्ला अस्पतालमा पनि समस्या भएको अस्पतालका प्रशासकिय प्रमुख युवराज देवकोटाको भनाइ छ ।
अस्पतालमा पानी अभाव हुँदा अस्पतालमा सरसफाई तथा विशेषगरी शौचालय फोहोर र दुर्गन्धित हुनुका साथै सङ्क्रमणको समस्या हुने गरेको देवकोटाले बताए ।
बेसीशहरमा दैनिक रूपमा ५२ लाख लिटर पानी आवाश्यकता परेपनि हाल १७ लाख लिटर पानीमात्र उपलब्ध हुँदै आएको छ । बजारमा पानीको आपुर्ति हाल छुट्टाछुट्टै सात ओटा मुहान र एउटा बोरिङबाट खानेपानी ल्याइएको छ ।
जिल्ला खानेपानी सरसफाई तथा उपभोक्ता समितिका अध्यक्ष कृष्णलाल प्रधानले खानेपानीको अभाव भएपछि समितिले पटकपटक नगरपालिकाको कार्यालय, जिल्ला प्रशासन कार्यालय आदी सम्बन्धित ठाउँमा समस्या राखेको भएपनि सम्बोधन नभएको गुनासो गरे ।
ट्याङकर नहँुदा दमकल प्रयोग गरेर अत्यावश्यक क्षेत्रमा पानी उपलब्ध गराइरहेको र दीर्घकालिन रूपमा समस्या समाधानको प्रयास गरिरहेको बेसीशहर नगरपालिकाको प्रमुख गुमानसिंह अर्यालले बताए ।
नगरपालिका प्रमुख अर्यालले खानेपानी आपुर्तिको लागि छिटै नै वैकल्पिक मुहान खोजी गरी नगरको खानेपानीको समस्या समाधान गर्ने प्रतिबद्धता व्यक्त गरे ।
दलबहादुर मजाकोटी
संबंधित समाचारहरू
वडा कार्यालयद्वारा बहुविवाहलाई विवाह–दर्ता !
घरदैलोमा सेवा प्रभावकारिता बढाउन स्थानीय सरकार रहेपनि कार्यान्वयन गर्ने निकायको लापरवाहीले कतिपय अवस्थामा सेवाग्राहीले सास्ती पाइरहेका छन् । महाबु गाउँपालिका–५ काँशीकाँधकी २४ वर्षीया भावना थापामगरले पनि सास्ती भोग्नुपरेको बताउनुभएको छ…
दुर्गमका प्रसूति केन्द्रमा समस्यै समस्या
दुर्गम जिल्लामा रहेका गर्भवती महिलालाई स्वास्थ्य केन्द्रमै सुत्केरी गराउने उद्धेश्यले प्रसूति केन्द्र स्थापना गरिएपनि आवश्यक पुर्वाधारको व्यवस्था नहुँदा समस्या भएको छ । त्रिपुरासुन्दरी नपा–१ त्रिपुराकोटबगरस्थित त्रिपुराकोट स्वास्थ्य चौकीमा रहेको प्रसूति…
बाल सुधार गृहमा क्षमता भन्दा दोब्बर बन्दी, व्यवस्थापनमा समस्या
दिपायल सिलगढी नगरपालिकास्थित सिलगढी बाल सुधार गृहमा क्षमताभन्दा बढी बालकहरू राखिँदै आएका कारण उनीहरूले विभिन्न प्रकारको समस्या झेल्नु परेको छ । क्षमताभन्दा दोब्बर बढी बालकहरू राखिएका कारण उनीहरूलाई शौचालय प्रयोग…
बलात्कार प्रयास घटनाका आरोपित गिरफ्तार
४१ वर्षीया महिलालाई बलात्कार प्रयास गरेको आरोपमा प्रहरीले बाह्रविसे नपा ९ का २९ वर्षीय दिनेश तामाङलाई मङ्सिर २५ गते गिरफ्तार गरेको छ । पीडित महिलालाई आरोपितले मङ्सिर १४ गते जङ्गलको…
जिल्ला अस्पतालमा एक महिनादेखि खानेपानीको अभाव
बेसीशहर नगरपालिका–८ स्थित जिल्ला सामुदायिक अस्पतालमा एक महिनादेखि खानेपानीको अभाव भएको छ । अस्पतालका व्यवस्थापक हेमन्त श्रेष्ठका अनुसार यो महिनाको चारपाँच दिन त पानीको हाहाकार नै भएको थियो । पानीको…
