सडक पेटीमा बस्दै आएकी बेसाहरा महिलालाई इन्सेकको पहलपछि आश्रममा पठाइयो

  ०७६ मङ्सिर ४ गते

बाणगङ्गा नगरपालिका–४ स्थित जीतपुरमा बेसाहरा अवस्थामा सडक पेटीमा बस्दै आएकी ३५ वर्षीया एक महिलालाई इन्सेकको पहलपछि मानव सेवा आश्रम बुटवलमा राखिएको छ ।

जितपुर चोकको उत्तरतर्फको सडकको छेउमा खुला आकाशमुनि बस्दै आएकी महिलालाई इन्सेक कपिलवस्तु जिल्ला प्रतिनिधि पार्वती आचार्यले इलाका प्रहरी कार्यालय पिपरा र मानव सेवा आश्रम बुटवलसँग समन्वय गरे पश्चात उक्त आश्रमको टोली आएर मङ्सिर १ गते आश्रममा लगेको हो ।

इन्सेक जिल्ला प्रतिनिधिको पहलमा इलाका प्रहरी कार्यालय, स्थानीय दिना सुवेदी लगायतको सहयोगमा उद्धार गरिएको हो ।

आफ्नो नाम ठेगाना बताउन नसक्ने ती महिलालाई स्थानीयहरूले खाना तथा लत्ताकपडाको व्यवस्था गरी संरक्षण गरिएको स्थानीय दिना सुबेदीले बताइन् ।


पार्वती आचार्य