शैक्षिक हडतालले अन्तिम परीक्षा स्थगित

  ०७५ चैत ३ गते

नेत्रविक्रम चन्द (विप्लव) नेतृत्वको नेपाल कम्युनिष्ट पार्टी निकटको विद्यार्थी संगठन अखिल क्रान्तिकारी सल्यानले चैत ३ गते जिल्लामा गरेको एकदिने शैक्षिक हड्तालका कारण बागचौर नगरपालिका अन्तर्गत लिइएको अन्तिम परीक्षा नै स्थगित छ ।

वार्षिक परीक्षा सञ्चालन भइरहेको बागचौर नगरपालिका अन्तर्गतका सबै विद्यालयमा परीक्षा स्थगित गरिएको नगरपालिकाले जनाएको छ ।

बन्दका कारणले परीक्षा स्थगित गर्नुपरेको जनकल्यान मावि थारमारेका प्राचार्य पूर्ण भण्डारीले जानकारी दिए ।

आफ्नो संगठनका विद्यार्थीलाई प्रहरीले गिरफ्तार गरेको भन्दै सो संगठनले जिल्लाभर चैत ३ गते एकदिने शैक्षिक हड्तालको आह्वान गरेको थियो ।

फागुन २३ गते श्रीनगरबाट अखिल क्रान्तिकारी सल्यानका पूर्व सचिव मदन केसी, उनलाई भेट्न फागुन २७ गते जिल्ला प्रहरी कार्यालय पुगेका वर्तमान सचिव गनेश आरसीलाई गिरफ्प्तार गरिएको र युवा संगठन सल्यानका सचिव खुम केसीलाई पनि गिरप्mतार गरिएको भन्दै रिहाइको माग सहित सो संगठनले विज्ञप्तिमार्फत शैक्षिक संस्था बन्दको आह्वान गरेको थियो ।

चैत ३ गते स्थगित अंग्रेजी विषयको परीक्षा चैत १४ गते सञ्चालन गरिने नगरपालिकाले जनाएको छ ।


मिना बुढाथोकी