शैक्षिक सत्र सुरु भएको आधा समय बित्दा पनि पाठ्यपुस्तक अभाव

  ०७३ भदौ २४ गते

शैक्षिक वर्षशुरु भएको पाँच महिना बितिसक्दा सम्म पनि बाजुराका विद्यार्थीहरूले पाठ्यपुस्तक पाएका छैनन् ।

बाजुरामा पाठ्यपुस्तकको समस्या वर्षेनी हुँदै आएको छ । तर, यो वर्ष बाजुराका विद्यालयले जिल्ला शिक्षा कार्यलयमा पाठ्यपुस्तक पाइसकेको वील बुझाएको जिल्ला शिक्षा कार्यलयले जनाएको छ । विद्यार्थीहरूले भने पाठ्यपुस्तक नपुगेको प्रतिक्रिया दिएका छन् ।

केाल्टी स्थित जनप्रकाश उमाविमा कक्षा-८ मा १ सय १० जना विद्यार्थी मध्ये ४० जनाले मात्र पाठ्यपुस्तक पाएको र अन्य विद्यार्थीहरूले 'फोटोकपी'बाट पढ्ने गरेको सन्तोषी रोकायाले बताइन । कक्षा ६ मा ८२ जना मध्ये ६० जनाले मात्र पाठ्यपुस्तक पाएको विद्यार्थीहरूले बताए ।

त्यस्तै सत्यवादी मावि पाण्डुसैनमा कक्षा १० मा १ सय १० जना विद्यार्थी मध्ये ६० जनाले मात्र पाठ्यपुस्तक पाएको विद्यार्थी मानबहादुर गुरुङले बताए ।


पदम सिंह