शान्तिपुर्ण वातावरण निर्माण गर्नका लागि आह्वान, हिजोबाट लगाइएको कर्फ्यु जारी

  ०७५ भदौ ९ गते

जिल्लाको शान्ति सुरक्षाको अवस्था विग्रँदै गएपछि प्रमुख जिल्ला अधिकारी तारानाथ अधिकारीको अध्यक्षतामा जिल्ला प्रशासन कार्यालयमा बसेको सर्वदलीय, सर्वपक्षीय बैठकले चार बुँदे निर्णय गरेको छ ।

photo20180825kanchanpur (2)बैठकमा छलफलपछि प्रहरीको गोलीबाट मृत्यु भएका सन्नी खुनालाई शहीद घोषणा तथा क्षतिपुर्तिका लागि तीनै तहका सरकार (सङ्घीय, प्रदेश र स्थानीय सरकार)सँग माग गर्ने, घाइतेहरूको उपचार समयमा नै सहज ढङ्गले गर्ने र उपचार पश्चात कोही जीवन निर्वाह गर्न असमर्थ भएमा न्यायोचित जीविकोपोर्जनको व्यवस्था गर्ने, आन्दोलनका क्रममा व्यक्तिगत तथा सार्वजनिक सम्पत्ति तोडफोड एवम् क्षति, आन्दोलनमा अत्यधिक बल प्रयोग र गोली चलाइएका सम्बन्धमा छानविन गरी दोषी उपर कडा कारबाहीका लागि छानविन समिति गठन गर्न गृह मन्त्रालयसँग माग गर्ने र भविष्यमा कुनै पनि अप्रिय घटना दोहोरिन नदिन, घटनाको निष्पक्ष छानविन र शान्ति सुरक्षा कायम राख्ने कार्यमा राजनीतिक दल, नागरिक समाज, सञ्चारकर्मी, उद्योगी व्यवसायीलगायत आम नागरिकलाई आवश्यक सहयोग गरी सहज वातावरण कायम गर्न सबैलाई अपिल गर्ने लगायतका चार बुँदे निर्णय गएिको छ ।

photo20180825kanchanpur (3)

भदौ ८ गते महेन्द्रनगरमा जारी प्रदर्शनका क्रममा प्रहरीले गोली प्रहार गर्दा १५ वर्षीय सन्नी खुनाको मृत्यु पश्चात प्रदर्शनले उग्र रूप लिएको र लगातारको प्रदर्शनका क्रममा प्रदर्शनकारी र प्रहरीबीच झडप् बढ्न थालेपछि जिल्ला प्रशासन कार्यालय, कञ्चनपुरले सदरमुकाम महेन्द्रनगर बजार र आसापास क्षेत्रमा ८ गते साँझ ८ बजेदेखि जारी गरेको अनिश्चितकालीन कर्फ्यु जारी रहेको छ ।

कर्फ्युका कारण भारतका विभिन्न स्थानबाट गड्डाचौकी नाका भई नेपाल आउने यात्रुहरू अलपत्र परेका छन् भने सर्वसाधारणको जनजीवन समेत प्रभावित भएको छ।

photo20180825kanchanpur (1)


कोमलनिरन्जन भाट