विप्लव नेतृत्वको पार्टी निकट शिक्षक सङ्गठनका सचिव इन्सेककर्मीको रोहवरमा रिहा

  ०७६ जेठ १ गते

नेत्र विक्रम चन्द (विप्लव) नेतृत्वको नेपाल कम्युनिष्ट पार्टीका भातृ सङ्गठन अखिल नेपाल शिक्षक सङ्गठन (क्रान्तिकारी) का जिल्लासचिव कमलकुमार हेल्लोक लिम्बु इन्सेकका जिल्ला प्रतिनिधिसहितका मानव अधिकारकर्मीको रोहवरमा वैशाख ३१ गते प्रशासनबाट रिहा भएका छन् ।

उनी आफैँले जिल्ला प्रशासन कार्यालयमा वैशाख ३१ गते सो पार्टीमा नरहने र स्वतन्त्र रूपमा जीवनयापन गर्ने लिखित पत्र बुझाएपछि उनलाई मानव अधिकारकर्मीको रोहवरमा रिहा गरिएको प्रमुख जिल्ला अधिकारी अनुज भण्डारीले बताए ।

प्रहरी र प्रशासनको रेकर्डमा लिम्बूको नाम प्रतिबन्धित पार्टीको कार्यकर्ता रहेकोमा प्रहरी प्रशासनबाट केरकार गरेपछि आफैँले स्वतन्त्र रूपमा जीवनयापनका लागि अपिल गरेको लिम्बूले बताए ।

इन्सेक प्रतिनिधि देवराज गुरुङ र मानव अधिकारकर्मी खड्गविक्रम सुवेदीको रोहवरमा फक्ताङलुङ गाउँपालिका–५ का लिम्बुलाई छाडिएको हो ।


देवराज गुरुङ