विप्लव नेतृत्वको नेकपा निकट विद्यार्थी सङ्गठनका जिल्ला अध्यक्ष गिरफ्तार

  ०७६ वैशाख २७ गते

नेत्रविक्रम चन्द (विप्लव) नेतृत्वको नेपाल कम्युनिष्ट पार्टी निकट अनेरास्ववियु क्रान्तिकारीका जिल्ला अध्यक्ष बगनासकाली गाउँपालिका–५ का २९ वर्षीय मुक्ति गैरेलाई प्रहरीले वैशाख २६ गते गिरफ्तार गरेको जिल्ला प्रहरी कार्यालयले जनाएको छ ।

जिल्ला प्रहरी कार्यालयबाट खटिएको प्रहरी टोलीले गैरेलाई तानसेनको बसन्तपुरबाट गिरफ्तार गरेको एसपी विश्वमणी पोखरेलले बताए ।

गिरफ्तार परेका गैरे नेपाल कम्युनिष्ट पार्टीको सचिवलय सदस्य समेत रहेको र थप अनुसन्धान भइरहेको जिल्ला प्रहरी कार्यलयले जनाएको छ ।


यज्ञमूर्ति तिमिल्सिना