समाचारहरू

नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका कोशी ब्युरो सदस्य बाबुराम किराँती लाई असार ६ गते प्रहरीले गिरफ्तार गरेको छ ।

प्रहरीले खाँदबारी नगरपालिका–७ नयाँ बजारमा गिरफ्तार गरेको जिल्ला प्रहरी कार्यालय सङ्खुवासभाका इन्स्पेक्टर रामेश्वर पण्डितले जानकारी दिए ।

गिरफ्तारीमा परेका राईलाई कहाँ कुन अवस्थामा राखिएको छ भन्ने प्रहरीले खुलाउन चाहेको छैन । राई तत्कालीन १० वर्षे युद्धमा सहभागी हुँदा टाउकोमा गोली लागेर घाइते भएको परिवारले जनाएको छ ।

राई शान्ति समितिको सूचीमा (क) वर्गको घाइतेको सूचीमा समेत रहेका छन् । राई राज्यले दिने रकम लिन जिल्ला प्रशासन कार्यालय आएको मौकामा प्रहरीले गिरफ्तार गरेको हो ।

बाबुराम बास्तोला