विप्लव नेतृत्वको नेकपाका नगर इञ्चार्ज गिरफ्तार

  ०७६ जेठ १ गते

नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका छेडागाड नगरपालिका, जाजरकोटका इञ्चार्ज छेडागाड नपा–१३ कार्कीगाउँ बस्ने ४० वर्षीय कैलाश पुन (दिप लामा) लाई प्रहरीले वैशाख ३१ गते राति गिरफ्तार गरेको छ ।

सरकारले प्रतिबन्ध लगाएको दलमा आबद्ध भई प्रतिबन्धित गतिविधिमा संलग्न भएको आरोपमा पुनलाई अनुसन्धानका लागि गिरफ्तार गरिएको जिल्ला प्रहरी कार्यालय, जाजरकोटका डिएसपी श्याम खत्रीले बताए ।

सो पार्टीका जिल्ला इञ्चार्ज नेकपा जाजरकोटका प्रेमप्रकाश वलीले भने पार्टीमा आस्था राखेकै भरमा प्रहरीले पुनलाई अपहरणको शैलीमा गिरफ्तार गरेको आरोप लगाए ।


दिनेशकुमार श्रेष्ठ