विप्लव नेतृत्वको नेकपाका कार्यकर्ता गिरफ्तार

  ०७६ वैशाख १५ गते

नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका दुई जना कार्यकर्तालाई प्रहरीले वैशाख १४ गते सन्धिखर्कबाट गिरफ्तार गरेको छ ।

मालारानी गाउँपालिका₋६ साकिनधाराका २७ वर्षीय बालकृष्ण भलामी र भूमिकास्थान नगरपालिका₋३, का २१ वर्षीय शङ्कर शाहीलाई गिरफ्तार गरिएको प्रहरीले जनाएको छ ।

बालकृष्ण भलामी ०७१ सालदेखि सो पार्टीमा सक्रिय रूपमा राजनीति गर्दै आएको प्रहरीले जनाएको छ । शङ्कर शाही भने ०७५ सालबाट सो पार्टीमा क्रियाशील रहँदै आएको प्रहरीको भनाई छ ।

सरकारले राजनीतिक प्रतिबन्ध लगाएको र उनीहरूले जिल्लमा चन्दा आतङ्क मच्चाएको उनीहरूलाई नियन्त्रणमा लिइएको जिल्ला प्रहरी कार्यालयका डिएसपी नवारज मल्लले जानकरी दिए ।


नारायण भुसाल