विप्लव नेतृत्वको नेकपाका कार्यकर्ताद्वारा प्रहरीको मोटरसाइकल तोडफोड

  ०७५ असोज २० गते

देउमाइ नगरपालिका–१ स्थित चौरी बजारमा नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका कार्यकर्र्ताले असोज २० गते प्रहरीको मोटर साइकलमा ढुङ्गा प्रहार गरी तोडफोड गरेको प्रहरीले जनाएको छ ।

चौरी बजारमा ५–६ जना कार्यकर्ताको समूहले भित्ते लेखन गर्दै गरेको खबर पाएर रक्से प्रहरी चौकीबाट सादा पोशाकमा गएका प्रहरी देखेपछि सो पार्टीका कार्यकर्ता भाग्ने क्रममा प्रहरीको बा २ ब ५६१५ नम्बरको मोटर साइकललाई ढुङ्गा हानेर तोडफोड गरिदिएको जिल्ला प्रहरी कार्यालयका एसपी माधव श्रेष्ठले जानकारी दिए । आरोपितहरू फरार रहेकाले खोजी गरिरहेको श्रेष्ठले बताए ।


कोकिला ढकाल