विद्यालय पुनर्निर्माण नहुँदा विद्यार्थीहरू टहरामुनी बसेर पढ्न बाध्य

  ०७६ वैशाख १७ गते

विनाशकारी भूकम्पको कारण जिल्लमा पूर्ण क्षति पुगेका २२ विद्यालय भवन अझैपनि पुनर्निर्माण हुन नसक्दा विद्यार्थीहरू अझै टहरामा नै बढ्न बाध्य भएका छन् ।

०७२ वैशाख १२ को भूकम्पपछि विद्यालय पुनर्निर्माणका लागि विभिन्न सङ्घसंस्थाहरूले लगानी गर्न खोजे पनि विद्यालयले पर्याप्त जग्गा व्यवस्थापन गर्न नसक्दा २२ ओटा सामूदायिक विद्यालय भवन निर्माण सुरू हुन नसकेको हो ।

विद्यालय भवन निर्माणका लागि सुरक्षित स्थानमा पर्याप्त जग्गा नभएका कारण २२ ओटा सामुदायिक विद्यालय विनाशकारी भूकम्प पछि निर्माण भएका अस्थायी सिकाइ केन्द्रमा छाप्रामै सञ्चालन भइरहेको छ ।

उत्तरी क्षेत्रमा सञ्चालनमा रहेका केही विद्यालयमा आवश्यक र सुरक्षित स्थानमा जग्गाको खोजी कार्य भइहेको सम्बन्धित विद्यालयले जनाएका छन् ।

विद्यालय भवन समयमा नबन्दा जिल्लाको कालिका गाउँपालिका–५ स्थित नीलकण्ठ नमूना मावि जिवजिवेको पनि पठन पाठनमा समस्या भएको छ । यसरी भवन बन्न नसक्दा समस्या भएको प्रधानाध्यापक नारायण देवकोटाले बताए ।

शिक्षा समन्वय एकाइ रसुवाका अनुसार भूकम्पका कारण क्षति भएका ७२ आधरभूत र १९ ओटा मावि गरी ९१ ओटा विद्यालयमा ६ सय ५९ कोठा क्षति भएकोमा आधारभूत विद्यालयका ३ सय ९६ कोठा र माध्यमिक विद्यालयका २ सय ६३ ओटा कोठा निर्माण भएको छ ।

photo2019-429 Rasuwa

२२ ओटा विद्यालयमा कार्यक्रम नै नपरेकोले समस्या भएको हो । केही विद्यालय निर्माण भए पनि कक्षा कोठा अपुग भएकोमा थप निर्माण गर्नुपर्ने देखिएको जिल्ला आयोजना कार्यन्वयन एकाई (शिक्षा) का प्रमुख सरदकुमार भण्डारीले बताए ।

शिक्षा कार्यालय अन्तर्गतको जिल्ला आयोजना कार्यन्वयन एकाईमार्फत सम्झौता भएका १९ ओटा विद्यालयमध्ये गत वर्ष आठ ओटा विद्यालय भवन बनेको आयोजनाका प्रमुख शरदकुमार भण्डारीले बताए ।

९१ ओटा विद्यालय रहेकोमा जाइका, एसिया अनलुस, एडिबीलगायत गैरसरकारी निकाबाट २४ ओटा गरी ६९ ओटा विद्यालय पुनर्निर्माण भएको र स्थानीय तहमार्फत समन्वय गरेर जग्गा खोजी गरेर बाँकी विद्यालय निर्माण हुने प्रमुख भण्डारीले भने ।


हेमनाथ खतिवडा