समाचारहरू

विदेह नपा–४ ठारहीका ४५ वर्षीय सुरुवा पासवान र ३५ वर्षीय गणेशकुमार पासवानलाई सोही वडाका वडा अध्यक्ष ४० वर्षीय विनोद गोहिमानले कुटपिट गरेको भन्दै इलाका प्रहरी कार्यालय खजुरीमा फागुन ११ गते दिएको उजुरी प्रहरीले दर्ता नगरेको पीडित पक्षको आरोप छ ।

ठारही प्रहरी चौकीका असई रामप्रमोद यादव र हवल्दार सन्तोष पाण्डेकै अगाडि आफूलाई वडा कार्यालयमै फागुन ९ गते कुटपिट गरेको र प्रहरी मुकदर्शक बनेको पीडित सुरुवा पासवानको आरोप छ ।

वडा अध्यक्षको कुटपिटबाट घाइते दुवै जनाको उपचार फागुन ९ गते स्थानीय स्वास्थ्य क्लिनिकमा गरिएको छ ।

गाउँमा २० फिटको सडकलाई १० फिटको साँगुरो बनाएर सार्वजानिक भवन बनाउन लागेकामा सो विरुद्ध आवाज उठाउँदा वडा अध्यक्षले वडा कार्यालयमै प्रहरी समक्ष कुटपिट गरेको पीडित गणेशकुमार पासवानले इन्सेक धनुषा प्रतिनिधिलाई फागुन १७ गते बिहान बताउनु भएको छ ।

जिल्ला प्रहरी कार्यालय धनुषाका डिएसपी मकेन्द्रकुमार मिश्रले घटनाबारे प्रहरीमा उजुरी आएको र सोबारेमा अनुसन्धान भइरहेको बताउनु भएको छ ।

दिपेन्द्रप्रसाद सिंह