लमजुङ र बैतडीमा उपनिर्वाचनका लागि शान्तिपुर्ण रूपमा उम्मेदवारी दर्ता
आगामी मङ्सीर १४ गते हुन लागेको उपनिर्वाचनमा लमजुङको सुन्दरबजार नगरपालिका–२ को वडाध्यक्ष पदमा कात्तिक २७ गते ६ जना उम्मेदवारले मनोनयन दर्ता गरेको जिल्ला निर्वाचन कार्यलयले जनाएको इन्सेक लमजुङ प्रतिनिधि दलबहादुर मजाकोटीले उल्लेख गरेका छन् ।
जिल्लामा एउटा मात्र वडामा निर्वाचन हुने र यहाँको मतदानस्थल सुरक्षाको दृष्टिकोणले अति संवेदनशील भएको मुख्य निर्वाचन अधिकृत हरिशचन्द्र ढुङगानाले बताए ।
निर्वाचनलाई स्वच्छ, निष्पक्ष, शान्तिपुर्ण र धाँदलिरहित रूपमा सम्पन्न गर्नको लागि जिल्लामा रहेका राजनीतिक दल नागरकि समाज, पत्रकार, कानुनी व्यावसायी, पर्यवेक्षक एवम् सम्पुर्णलाई सहयोगी भुमिका निभाउनको लागि अनुरोध गरिएको ढुङ्गानाको भनाइ छ ।
उम्मेदवारी दर्ता गर्नेहरूमा मुख्य राजनीतिक दल नेकपा, नेपाली कांग्रेस, राप्रपा र स्वतन्त्र गरी जम्मा ६ जनाले उम्मेदवारी दिएका जिल्ला निर्वाचन कार्यालयले जनाएको छ ।
इन्सेक बैतडी जिल्ला प्रतिनिधि नरी बडुका अनुसार बैतडीका तीन स्थानीय तहका तीन वडामा आठ जना उमेदवारले कात्तिक २७ गते मनोनयन दर्ता गराएका छन् ।
सुर्नया गाउँपालिका–१, दोगडाकेदार गाउँपालिका–४ र पुर्चौडी नगरपालिका–४ को वडा अध्यक्ष पदका लागि उम्मेदवारहरूले मनोनयन दर्ता गराएको मुख्य निर्वाचन अधिकृत ईश्वरीप्रसाद भण्डारीले बताए ।
सुर्नया गाउँपालिका–१ मा अध्यक्ष पदका लागि दुईजना उम्मेदवारको मनोनयन दर्ता भएको उनले बताए । नेपाल कम्युनिष्ट पार्टी (नेकपा)बाट धनबहादुर चन्द र नेपाली कांग्रेसबाट गजेन्द्रबहादुर चन्दको मनोनयन दर्ता भएको छ ।
यस्तै पुर्चौडी नगरपालिका–४ मा नेकपाका तर्फबाट शैलेन्द्र धानुक, नेपाली कांग्रेसका तर्फबाट गोविन्दबहादुर धामी र चन्द्रबहादुर बोहराले स्वतन्त्र उम्मेदवारी दर्ता गराएको निर्वाचन अधिकृतको कार्यालय पुर्चौडीका कम्प्युटर अपरेटर अनील चन्दले बताए ।
यस्तै दोगडाकेदार गाउँपालिका–४ को वडा अध्यक्ष पदका लागि तीनजना उम्मेदवारको मनोनयन दर्ता भएको निर्वाचन अधिकृतको कार्यालय दोगडाकेदारले जनाएको छ ।
नेकपाबाट नरेन्द्रप्रसाद भट्ट, नेपाली कांग्रेसबाट सुरेन्द्रप्रसाद भट्ट र राप्रपा संयुक्तबाट देवसिंह खत्रीको उम्मेदवारी दर्ता भएको निर्वाचन अधिकृत टेकबहादुर थापाले बताए ।
मनोनयन दर्ता गरेका उम्मेदवारहरूको अन्तिम नामावली समेत प्रकाशन भएको मुख्य निर्वाचन अधिकृतको कार्यालयले जनाएको छ ।
अनलाइन डेस्क
सम्बन्धित समाचारहरू
कोरोना विशेष अस्पतालमा दुई जनाको मृत्यु
कपिलवस्तु जिल्ला तौलिहवा नपा-२ का ४२ वर्षीय र कृष्णनगर नपा-१३ का २५ वर्षीय पुरुषको बुटवल, धागो कारखानास्थित कोरोना विशेष अस्पतालमा साउन २८ गते बिहान मृत्यु भएको छ । उनीहरूमा ज्वरो,…
कोरोना भाइरसको सङ्क्रमणसम्बन्धी दैनिक अपडेट (साउन २७ गते)
साउन २७ गते ६ सय ३८ जनामा कोरोना पुष्टि भएसँगै कोरोना सङ्क्रमितको सङ्ख्या २३ हजार ९ सय ४८ जना पुगेको छ । जसमध्ये ८३ जनाको मृत्यु भएको छ । स्वास्थ्य…
खाद्यान्न अभाव हुँदा सर्वसाधारण मर्कामा
नेपाल खाद्य संस्थान मुगु शाखा सहित तीन डिपो र दुई बिक्रि केन्द्रमा मौज्दात खाद्यान्न सकिन लागेपछि जिल्लाभर खाद्यान्न अभाव भएको छ । खाद्य संस्थान केन्द्रीय कार्यालयले आर्थिक वर्ष ०७६/०७७ मा…
उपचारको अभावमा दुइ महिनादेखि डोरीमा बाँधिए प्रेम
पलाँता गाउँपालिका -९ का २३ वर्षीय प्रेम सुनारलाई मानसिक सन्तुलन गुमाएको भन्दै असार ५ गतेबाट डोरीले बाँधेर राखिएको छ । मानसिक सन्तुलन गुमाएपछि छोड्दा कुटपिट गर्ने भन्दै उपचारको अभावमा गाउँलेहरूले…
कोरोना भाइरसको सङ्क्रमणसम्बन्धी दैनिक अपडेट (साउन २६ गते)
साउन २६ गते ३ सय ३८ जनामा कोरोना पुष्टि भएसँगै कोरोना सङ्क्रमितको सङ्ख्या २३ हजार ३ सय १० जना पुगेको छ । जसमध्ये ८० जनाको मृत्यु भएको छ । स्वास्थ्य…
