राजनीतिक नेतृत्वबाट हावाहुरी प्रभावित क्षेत्रको अवलोकन

  ०७५ चैत १९ गते

प्रधामन्त्री केपी शर्मा ओलीले चैत १८ गते कलैया अस्पतालमा उपचाररत बारा जिल्लाका पीडितसँग भेटघाट गरी उपचार गर्न मातहतका निकायहरुलाई निर्देशन दिएका छन् ।

cfOtaf/ ;+fem cfPsf] x'/Ldf k/L jL/uGhsf] gf/fo0fL c:ktfndf egf{ ePsf 3fOt]sf] ca:yf a'emb} k|wfgdGqL s]kL zdf{ cf]nL . t:jL/ M laho s'df/ dxtf] /f;; k;f{

उपप्रधानमन्त्री तथा स्वास्थ्यमन्त्री उपेन्द्र यादव र गृहमन्त्री रामबहादुर थापा पनि जिल्ला अस्पताल कलैया पुगी घाइतेहरुको स्वास्थ्य अवस्थाबारे जानकारी लिएका छन् ।

अस्पतालमा उपचार गराइरहेका ४९ जना घाइतेको अवस्था बुझी प्रधानमन्त्री ओलीले घाइतेको यथाशीघ्र भरपर्दो उपचार व्यवस्था मिलाउन मातहतका निकायलाई निर्देशन दिएका थिए ।

उक्त अवसरमा प्रधानमन्त्री ओलीलाई अस्पतालका डा. सचेन्द्रकुमार यादवले उपचार गराइरहेका घाइतेको अवस्थाबारे जानकारी गराएका थिए ।

प्रधानमन्त्रीको टोलीले पर्साको वीरगञ्जस्थित नारायणी उपक्षत्रीय अस्पतालमा उपचार गराइरहेका घाइतेको अवस्था बुझेको छ ।

यसअघि गृह सचिव प्रेमकुमार राईले हावाहुरीबाट व्यापक जनधनको क्षति भएको बारा जिल्लाको फेटा गाउँपालिका–७ पुरैनिया गाउँको स्थलगत निरीक्षण गरेका थिए ।

कलैया अस्पतालमा उपचार गराइरहेका घाइतेको अवस्था नेपाली काङ्ग्रेसका उपसभापति विमलेन्द्र निधिसमेतले बुझी घाइतेको उपचारमा राज्यले कुनै कसर बाँकी राख्न नहुने बताए ।

त्यसैगरी प्रदेश २ मुख्यमन्त्री लालबाबु राउत गद्दी र प्रदेश ३ का मुख्यमन्त्री डोरमणी पौडेलले बारामा हावाहुरीबाट घाइते भएकाहरुको स्वास्थ्य अवस्थाबारे जानकारी लिएका छन् ।

मुख्यमन्त्री गद्दीले जिल्ला अस्पताल कलैयामा पुगी घाइतेहरुको स्वास्थ्य अवस्थाबारे जानकारी लिएका हुन् ।

उनले घाइतेहरुको उपचारमा कुनै कमी नगर्न चिकीत्सकहरुलाई निर्देशन दिएका छन्। दुवै मुख्यमन्त्री हावाहुरीबाट प्रभावित क्षेत्र बाराको फेटा गाउँपालिकाको पुरैनिया, भलुही भरवलियालगायतको निरीक्षण गरेका छन् ।

मुख्यमन्त्रीहरु सँगै बाराका प्रतिनिधिसभा सदस्य रामबाबुकुमार यादव, प्रदेशसभा सदस्य पारस साहलगायतका जनप्रतिनिधि रहेका थिए ।

मुख्यमन्त्री पौडेलसँगै आन्तरिक मामिला तथा कानुनमन्त्री शालिकराम जमरकट्टेल, सामाजिक विकासमन्त्री युवराज दुलाल सहितको टोली रहेको थियो ।


भोलानाथ पौडेल