यौन दुर्व्यवहार घटनाका आरोपित गिरफ्तार

  ०७७ चैत १७ गते

१४ वर्षीया बालिकालाई यौन दुर्व्यवहार गरेको आरोपमा प्रहरीले जयपृथ्वी नगरपालिका–६ नौरा निवासी भवानी माविमा कार्यरत शिक्षक ३१ वर्षीय जगत सिंहलाई चैत १५ गते गिरफ्तार गरेको छ ।

चैत १४ गते धाराबाट पानी लिन गएकी बालिकालाई यौन दुर्व्यवहार गरेको भन्दै पीडित पक्षले प्रहरीमा उजुरी दिएपछि आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालय, बझाङका डिएसपी रुपक खडकले इन्सेक प्रतिनिधिसँग फोनबाट बताउनु भयो ।

जयपृथ्वी नगरपालिका ग्वानी स्थित धाराबाट पानी ल्याउन गएको समयमा बालिकामाथि यौन दुर्व्यवहारको प्रयास गरिएकोले प्रहरीमा उजुरी दिएको पीडित बालिकाकी आमाले इन्सेक प्रतिनिधिलाई फोनबाट बताउनु भयो ।

पीडितको स्वास्थ्य परीक्षण जिल्ला अस्पताल, सिमखेतमा चैत १५ गते गरिएको प्रहरीले जनायो ।


रमेश केसी