यौन दुर्व्यवहार घटनाका आरोपित गिरफ्तार

  ०७७ पुस ३ गते

६ वर्षीया बालिकालाई यौन दुर्व्यवहार गरेको आरोपमा प्रहरीले १५ वर्षीय बालकलाई गिरफ्तार गरेको छ ।

पीडितलाई आरोपितले पुस २ गते दुर्व्यवहार गरेको भन्दै पीडित पक्षले आरोपितविरुद्ध सोही दिन जिल्ला प्रहरी कार्यालय म्याग्दीमा उजुरी दिएको जिल्ला प्रहरी कार्यालय म्याग्दीका डिएसपी किरण जङ्ग कुँवरले इन्सेक प्रतिनिधिलाई बताउनुभयो ।

उहाँले पीडितको उजुरीपछि आरोपितलाई नियन्त्रणमा लिएर अनुसन्धान भइरहेको बताउनुभयो ।

पीडित बालिकाको स्वास्थ्य अवस्था असामान्य रहेकोले बेनी अस्पतालले थप उपचार र स्वास्थ्य परीक्षणका लागि पुस २ गते पोखरा स्वास्थ्य विज्ञान प्रतिष्ठान पठाएको बेनी अस्पतालका सूचना अधिकारी प्रकाश सुवेदीले बताउनुभयो ।


अमृतप्रसाद पौडेल