यौन दुर्व्यवहार घटनाका आरोपित गिरफ्तार

  ०७७ कात्तिक १७ गते

१६ वर्षीया बालिकालाई यौन दुर्व्यवहार गरेको आरोपमा प्रहरीले राजगढ गाउँपालिका–१ झुटकीका २२ वर्षीय मुकेशकुमार यादवलाई कात्तिक १७ गते गिरफ्तार गरेको छ ।

आरोपितलाई गिरफ्तार गरी कात्तिक १७ गते जिल्ला अदालतबाट म्याद समेत थप गरी अनुसन्धान प्रक्रिया अगाडि बढाएको सप्तरी प्रहरीले जनाएको छ ।

दशैँमा लागेको मेलाबाट मुर्तिको पूजा गरी घर फर्किरहेका बेला आरोपितसहित २५ वर्षीय शैलेन्द्र यादव र २२ वर्षीय मिथलेशकुमार मण्डलले बाटो छेकी नियन्त्रणमा लिएर कात्तिक १० गते पीडित बालिकालाई यौन दुर्व्यवहार गरेको पीडित पक्षको आरोप छ ।

पीडित बालिकाका बुबाले आरोपितहरूविरुद्ध जिल्ला प्रहरी कार्यालयमा कात्तिक ११ गते उजुरी दिएका थिए ।

पीडित बालिकाको स्वास्थ्य परीक्षण राजविराजस्थित गजेन्द्रनारायण सिंह अस्पतालमा कात्तिक ११ गते गरिएको छ । अन्य आरोपितहरू कात्तिक १७ गतेसम्म गिरफ्तार भएका छैनन् ।


मनोहरकुमार पोखरेल