यौन दुर्व्यवहार घटनाका आरोपित गिरफ्तार

   ०७७ असार ९ गते

११ वर्षीया बालिकालाई यौन दुर्व्यवहार गरेको आरोपमा प्रहरीले कुश्मा नपा४ का १९ वर्षीय विपिन परियारलाई असार ७ गते गिरफ्तार गरेको छ ।

मामाघरबाट आफ्नो घर फर्कदै गरेकी बालिकालाई असार ७ गते दिउँसो ४ बजे आरोपितले यौन दुर्व्यवहार गरेको आरोपमा पीडित पक्षले आरोपितविरूद्ध जिल्ला प्रहरी कार्यालय पर्वतमा उजुरी दिएका थिए ।

आरोपितलाई सोही दिन गिरफ्तार गरी उनीविरूद्ध बालयौन दुरूपयोग अपराध शीर्षकमा मुद्दा दर्ता गरी जिल्ला अदालतबाट १० दिनको म्याद थप गरेर अनुसन्धान थालिएको जिल्ला प्रहरी कार्यालय पर्वतका इन्स्पेक्टर बुद्धिप्रसाद सुवेदीले इन्सेक प्रतिनिधिलाई फोन मार्फत जानकारी दिनुभयो ।

पीडितको स्वास्थ्य परीक्षण असार ७ गते जिल्ला अस्पताल बागलुङमा गरिएको छ ।


सन्तोष थापा