यौन दुर्व्यवहार घटनाका आरोपितविरुद्ध उजुरी दर्ता

  ०७६ चैत १३ गते

१८ वर्षीया किशोरीलाई यौन दुर्व्यवहार गरेको आरोपमा प्रहरीले बोदे बर्साइन नपा–३ की १८ वर्षीय मो. अनाबुलविरुद्ध चैत ११ गते उजुरी दर्ता गरेको छ ।

पीडितकी आमाले फागुन २८ गते ईलाका प्रहरी कार्यालय कडरबोनामा उजुरी दिनु भएको थियो ।

आरोपितले माघ २० गते ललाईफकाई कोही नबस्ने नवनिर्मित एकान्त घरमा लगी यौन दुर्व्यवहार गरेपछि गुहार माग्दै होहल्ला गरेको पीडितले बताउनु भयो । गुहार मागेको आवाज सुनेर आएका गाउँलेलाई देखेर आरोपित फरार भएको पीडितले बताउनु भयो ।

पीडितको गजेन्द्रनारायण सिंह अस्पताल राजविराजमा चैत १ गते स्वास्थ्य परिक्षण भएको थियो । स्वास्थ्य परिक्षणपश्चात थप अनुसन्धान गरेपछि मात्र उजुरी दर्ता गरिएको ईलाका प्रहरी कार्यालय कडरबोनाका इन्स्पेक्टर रामराजा केशरीले बताउनु भयो ।

आरोपित हालसम्म गिरफ्तार भएका छैनन् ।


मनोहरकुमार पोखरेल