यौन दुर्व्यवहार घटनाका आरोपित गिरफ्तार

  ०७६ चैत १३ गते

आठ वर्षीया बालिकामाथि यौन दुर्व्यवहार गरेको आरोपमा तिरहुत गाउँपालिका–१ का ३६ वर्षीय लट्टु भनिने शिवराम खंगलाई प्रहरीले चैत ११ गते गिरफ्तार गरेको छ ।

पीडितकी आमाले चैत ५ गते दिएको उजुरीका आधारमा अनुसन्धान पश्चात उजुरी दर्ता गरी आरोपितलाई गिरफ्तार गरिएको ईलाका प्रहरी कार्यालय कञ्चनरूपका डिएसपी मकेन्द्रकुमार मिश्रले बताउनु भयो ।

आरोपितले ललाई फकाई गहुँ खेतमा लगी चैत ३ गते यौन दुर्व्यवहार गरेको पीडितले बताउनु भयो ।

प्रतिवाद गर्दा आरोपितको कुटपिटबाट बालिकाको आँखामा चोट लागेर सुन्निएको छ ।

ईलाका प्रहरी कार्यालय कञ्चनरूपले चैत ११ गते उजुरी दर्ता गरेर थप अनुसन्धान गरिरहेको डिएसपी मिश्रले बताउनु भएको छ ।

पीडितको गजेन्द्रनारायण सिंह अस्पताल राजविराजमा चैत ५ गते घाउँजाँच उपचार तथा स्वास्थ्य परिक्षण भयो ।


मनोहरकुमार पोखरेल