यौन दुर्व्यवहार घटनाका आरोपित गिरफ्तार

  ०७६ मङ्सिर १८ गते

१६ वर्षीया बालिकालाई यौन दुर्व्यवहार गरेको आरोपमा प्रहरीले खाँडाचक्र नपा–६ का २५ वर्षीय भिमराज शाहीलाई मङ्सिर १८ गते खाँडाचक्र नपा–१ मान्मबाट गिरफ्तार गरेको छ ।

पीडित बालिकालाई आरोपितले मङ्सिर १७ गते सुर्खेतबाट कालिकोट आउँदै गर्दा बसमा यौन दुर्व्यवहार गरेको भन्दै पीडितका आफन्तले मङ्सिर १७ गते जिल्ला प्रहरी कार्यालय, कालिकोटमा उजुरी दिएका थिए ।

पीडित पक्षको उजुरीका आधारमा आरोपितलाई गिरफ्तार गरेर घटनाको अनुसन्धान गरिरहेको जिल्ला प्रहरी कार्यालय, कालिकोटका डिएसपी श्यामबाबु ओलियाले जानकारी दिनुुभयो ।

पीडित बालिकाको स्वास्थ्य परीक्षण मङ्सिर १८ गते जिल्ला अस्पताल, कालिकोटमा गरिएको प्रहरीले जनाएको छ ।


कालीबहादुर मल्ल