यौन दुर्व्यवहार घटनाका आरोपित गिरफ्तार

  ०७६ मङ्सिर १८ गते

१६ वर्षीया एक बालिकालाई यौन दुर्व्यवहार गरेको आरोपमा प्रहरीले मकवानपुर जिल्ला मकवानपुरगढी गाउँपालिका–३ घर भएका हाल धादिङ जिल्ला गल्छी गाउँपालिका–६ निवासी २१ वर्षीय नारायणप्रसाद दहाललाई मङ्सिर १७ गते गिरफ्तार गरेको छ ।

पीडित बालिकालाई आरोपितले मङ्सिर १५ गते यौन दुर्व्यवहार गरेको आरोपमा पीडित पक्षले सोही दिन इलाका प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई गिरफ्तार गरेको जिल्ला प्रहरी कार्यालयका डिएसपी रुपक खड्काले जानाकारी दिनुभयो ।

पीडित बालिकाको स्वास्थ्य परीक्षण मङ्सिर १७ गते जिल्ला अस्पतालमा गरिएको छ ।


सीताराम अधिकारी