यौन दुर्व्यवहार घटनाका आरोपित गिरफ्तार

  ०७६ असोज ५ गते

१५ वर्षीया बालिकालाई यौन दुर्व्यवहार गरेको आरोपमा प्रहरीले सुनकोशी गाउँपालिका–६ थुम्पाखर घर भई सोही ठाउँको चामुनादेवी आधारभूत विद्यालयका शिक्षक २८ वर्षीय राजु कुँवरलाई असोज ४ गते गिरफ्तार गरेको छ ।

पीडित बालिकालाई आरोपितले असोज २ गते विद्यालयको कक्षा कोठा भित्रै यौन दुर्व्यवहार गरेको पीडित पक्षको आरोप छ । पीडित पक्षले असोज ३ गते इलाका प्रहरी कार्यालय बाह्रबिसेमा उजुरी गरेको प्रहरीले जनाएको छ ।

आरोपितलाई जवरजस्ती करणी उद्योगमा मुद्दा दर्ता गरेर जिल्ला अदालतबाट अनुसन्धानका लागि म्याद थप गरिएको जिल्ला प्रहरी कार्यालयका डिएसपी माधवप्रसाद काफ्लेले बताए ।

पीडित बालिकाको स्वास्थ्य परीक्षण असोज ३ गते प्राथमिक स्वास्थ्य केन्द्र बाह्रबिसेमा गरिएको प्रहरीले जनाएको छ ।


नातिबावु धिताल