यौन दुर्व्यवहार घटनाका आरोपित गिरफ्तार

  ०७६ भदौ २४ गते

६ वर्षीया र १२ वर्षीया दुई जना बालिकालाई यौन दुर्व्यवहार गरेको आरोपमा प्रहरीले रोल्पा जिल्ला त्रिवेणी गाउँपालिका-४ का २८ वर्षीय सन्तोष सुनारलाई भदौ २३ गते आमाछोदिङ्मो गाउँपालिका-५ पाजुङबाट गिरफ्तार गरेको छ ।

पीडित बालिकाहरूलाई स्थानीय जलविद्युत कम्पनीमा मजदुरीको काम गर्न आएका आरोपितले भदौ २२ गते यौन दुर्व्यवहार गरेको भन्दै पीडित पक्षले आरोपितविरूद्ध जिल्ला प्रहरी कार्यालय रसुवामा भदौ २३ गते उजुरी दिएको छ ।

पीडित पक्षको उजुरीका आधारमा आरोपितलाई गिरफ्तार गरिएको जिल्ला प्रहरी कार्यालयका डिएसपी भाग्येन्द्रपुरुष ढकालले बताए ।

आरोपितविरूद्ध जवरजस्ती करणी उद्योग अन्तर्गत मुद्दा दर्ता गरी अनुसन्धान भइरहेको डिएसपी ढकालले बताए ।

पीडित बालिकाहरूको स्वास्थ्य परीक्षण भदौ २३ गते जिल्ला अस्पताल रसुवामा गरिएको प्रहरीले जनायो ।


हेमनाथ खतिवडा