यौन दुर्व्यवहार घटनाका आरोपित गिरफ्तार

  ०७६ साउन १६ गते

१२ वर्षीया बालिकालाई यौन दुर्व्यवहार गरेको आरोपमा प्रहरीले रोल्पा जिल्ला रून्टीगढी गाउँपालिका–३ का २२ वर्षीय घनश्याम केसीलाई साउन १६ गते गिरफ्तार गरेको छ ।

 

पीडित बालिकालाई आरोपितले साउन १० गते प्रलोभनमा पारेर घोराहीको दुईखोलीमा यौन दुर्व्यवहार गरेको भन्दै पीडित पक्षले साउन १२ गते जिल्ला प्रहरी कार्यालय दाङमा उजुरी दिएको छ ।

 

घटनालगत्तै फरार रहेका आरोपितलाई घोराहीबाट गिरफ्तार गरी मुद्दा दर्ता गरिएको जिल्ला प्रहरी कार्यालय दाङका डिएसपी विनोदविक्रम शाहले बताए ।

 

पीडित बालिकाको स्वास्थ्य परीक्षण साउन १२ गते राप्ती स्वास्थ्य विज्ञान प्रतिष्ठान घोराहीमा गरिएको प्रहरीले जनायो ।


जे.एन.सागर