यौन दुर्व्यवहार गरेको कसुरमा दुई महिना कैदको फैसला

  ०७७ पुस २३ गते

चार वर्षीया बालिकालाई यौन दुर्व्यवहार गरेको कसुरमा जिल्ला अदालत सिरहाले पुस २२ गते १६ वर्षीय बालकलाई दुई महिना कैद, २ हजार रुपियाँ जरिबाना र १० हजार रुपियाँ क्षतिपुर्ति भराउने फैसला गरेको छ ।

न्यायाधीश प्रकाश खरेलको इजलासले सो फैसला गरेको हो । पीडित बालिकालाई आरोपितले ०७६ साउन १६ गते यौन दुर्व्यवहार गरेको भन्दै पीडित परिवारले इलाका प्रहरी कार्यालय लहानमा साउन १७ गते उजुरी दिएका थिए ।

पीडित बालिकाको स्वास्थ्य परीक्षण जिल्ला अस्पताल सिरहामा साउन १६ गते गरिएको थियो ।

इलाका प्रहरी कार्यालय लहानले आरोपितलाई साउन १७ गते घरबाटै गिरफ्तार गरेकोमा जिल्ला अदालतको भदौ ८ गतेको आदेशले अभिभावकको जिम्मामा रिहा गरेको थियो ।


दुर्गा परियार