यौन दुर्व्यवहार गरेको कसुरमा नौ वर्ष कैदको फैसला

  ०७६ कात्तिक १५ गते

११ वर्षीया बालिकालाई यौन दुर्व्यवहार गरेको आरोपमा पुर्पक्षका लागि थुनामा रहेका कटारी नगरपालिका–४ डाँडाटोलका २४ वर्षीय इन्द्रबहादुर तामाङलाई जिल्ला अदालतले कात्तिक १४ गते नौ वर्ष कैद सजाय र १० हजार रुपियाँ जरिबाना असुल गर्ने फैसला गरेको छ ।

न्यायाधीश दीपक खनालको इजलासले कसुर ठहर गर्दैे उक्त फैसला सुनाएको हो । कसुरदारले गत असार ३० गते बालिकालाई यौन दुर्व्यवहार गरेको आरोपमा पीडित पक्षले असार ३१ गते इलाका प्रहरी कार्यालय कटारीमा उजुरी दिएको थियो ।

जिल्ला अदालतको ०७६ साउन २० को आदेशमा आरोपित पुर्पक्षका लागि थुनामा थिए । पीडित बालिकाको स्वास्थ्य परीक्षण जिल्ला अस्पतालमा असार ३१ गते गरिएको थियो ।


भरत खड्का