यौन दुर्व्यवहार गरेको कसुरमा पाँच वर्ष कैदको फैसला

  ०७३ कात्तिक २६ गते

नौ वर्षीया एक बालिकालाई यौन दुर्व्यवहार गरेको ठहर गर्दै जिल्ला अदालत इलामले बरबोटे गाविस-४ का ४८ वर्षीय श्याम निरौलालाई पाँच वर्ष कैदको सजाय सुनाएको छ ।

न्यायाधीश नवराज दाहालको इजलासले मुलुकी ऐन जबरजस्ती करणी महल अनुसार कसुर ठहर गर्दै कात्तिक २५ गते उक्त सजायको फैसला सुनाएको हो ।

निरौलालाई जबरजस्ती करणी महलको ३(१) नम्बर बमोजिम सजायको ऐजन ५ नम्बर बमोजिम आधा सजाय हुने हुँदा ऐजन ५ नम्बर बमोजिम पाँच वर्षकैद सजाय सुनाइएको जिल्ला अदालतका श्रेस्तेदार जगदीश्वर भट्टर्राईले जानकारी दिए ।

पीडित बालिकालाई आरोपितले ०७२ चैत १३ गते यौन दुर्व्यवहार गरेको आरोपमा चैत १४ गते जिल्ला प्रहरी कार्यालयमा उजुरी परेको थियो । उजुरी परे लगतै गिरफ्तार गरिएका निरौला पूर्पक्षका लागि थुनामा रहेका थिए ।

 


कोकिला ढकाल