यौन दुर्व्यवहार कसुरमा १२ वर्ष ६ महिना कैद सजायको फैसला

  ०७७ असार २६ गते

सात वर्षीया बालिकालाई यौन दुर्व्यवहार गरेको कसुरमा जिल्ला अदालतले तुम्बेवा गाउँपालिका – १ का २६ वर्षीय दीपु भनिने राजेन्द्र देवानलाई असार २५ गते १२ वर्ष ६ महिना कैद सजायको फैसला गरेको छ ।

न्यायाधीश मोहनराज भट्टराईको इजलासले कसुरदारबाट पीडितले पाउने गरी ५० हजार रुपियाँ क्षतिपूर्ति भराउन आदेश भएको अदालतका सूचना अधिकारी याम चौहान इन्सेक प्रतिनिधिसँगको फोन सम्पर्कमा बताउनुभयो ।

आरोपितले पीडित बालिकालाई ०७६ कात्तिक १८ गते यौन दुर्व्यवहार गरेको आरोपमा पीडित पक्षले आरोपितविरूद्ध कात्तिक १९ गते जिल्ला प्रहरी कार्यालयमा उजुरी दिएको डिएसपी सिद्धराज न्यौपानेले बताउनुभयो ।

आरोपितलाई प्रहरीले कात्तिक १९ गते गिरफ्तार गरी कानुनी कारबाही अघि बढाएकोमा जिल्ला अदालतको ०७६ मङ्सिर ५ को आदेशमा आरोपित पुर्पक्षका लागि थुनामा थिए ।

पीडित बालिकाको स्वास्थ्य परीक्षण जिल्ला अस्पतालमा ०७६ कात्तिक १९ गते गरिएको थियो ।


मङ्गल वेघा