यौनजन्य कार्यमा लगाएको घटनाका आरोपित गिरफ्तार

  ०७६ कात्तिक २८ गते

२५ वर्षीया भारतीय महिलालाई नेपाल ल्याई यौनजन्य कार्यमा संलग्न गराएको आरोपमा प्रहरीले ४५ वर्षीय भारतीय नागरिक मोहम्मद रियाजलाई कात्तिक २७ गते गिरफ्तार गरेको छ ।

विराटनगर रानीस्थित होटलबाट रियाजलाई गिरफ्तार गरेको प्रहरीले जनाएको छ । विराटनगर महानगरपालिका–१५ रानीमा सञ्चालित एक होटलका कामदारका रूपमा रहेका आरोपितले नेपाली र भारतीय महिलालाई ग्राहक खोजीदिने र यौन कार्यमा संलग्न गराउने गरेको आरोपमा गिरफ्तार गरेको जिल्ला प्रहरी कार्यालय डिएसपी घनश्याम श्रेष्ठले बताए ।

डिएसपी श्रेष्ठले आरोपितले कल गर्लका रूपमा बालिका, महिला र युवतीहरूलाई ग्राहक खोजीदिने गरेका थिए ।

सादा पोशाकमा प्रहरी ग्राहक बनेर गएपछि महिला र आरोपितलार्ई होटलबाटै गिरफ्तार गरेको डिएसपी श्रेष्ठले बताए ।

आरोपितमाथि मानव बेचबिखन तथा ओसारपसार नियन्त्रण ऐन, २०६४ बमोजिम अनुसन्धान अघि बढाइएको प्रहरीले जनाएको छ ।


इन्दिरा भट्टराई