मेयरको घरमा कालो झण्डा

  ०७४ वैशाख २० गते 

स्थानीय तह निर्वाचनमा भरतपुर महानगरपालिकाको मेयर पदका उम्मेदवारहरूको घरमा वैशाख २० गते नेत्रविक्रम चन्द नेतृत्वको नेपाल कम्युनिष्ट पार्टीका कार्यकर्ताले कालो झण्डा राखेका छन् ।

सो महानगरपालिकाका उम्मेदवारहरू रेणु दाहाल, देवी ज्ञवाली र दिनेश कोइरालाको घरमा कालो झण्डा गाडिएको सो पार्टीले जनाएको छ ।

राप्ती नगरपालिकामा काँग्रेसका मेयर उम्मेदवार किरण ओली, र माओवादी केन्द्रका मेयर उम्मेदवार रामचन्द्र पाठकको घरमा पनि कालो झण्डा गाडिएकोमा तत्कालै निकालिएको जिल्ला प्रहरी कार्यालय चितवनका एसपी दिपक थापाले बताए ।

चितवनमा सो पार्टीका नेता/कार्यकर्ताले स्थानीय तहको निर्वाचनमा सहभागी नहुन भन्दै सबै उम्मेदवारलाई चिठी नै पठाएका छन् ।


दिपेन्द्र अधिकारी