मालपोत अधिकृतमाथि दुर्व्यवहार

  ०७३ माघ १२ गते

मालपोत कार्यालय बाराका अधिकृत ५१ वर्षीय सुमन चौधरीलाई माघ १२ गते मखुण्डो लगाएर आएका दुई जनाले मोसो दलेर दुर्व्यवहार गरी भागेको पीडितले बताएका छन् ।

अमाव गाविस-२ बेलवा गाउँका चौधरी कार्यालयमै बसिरहेका बेला मखुण्डो लगाएर आएका दुई  जनाले आफूहरू ऐलानी जग्गामा बस्दै आएकोले काम गरिदिनु भन्दै मोसो छरेर दुर्व्यवहार गरेको पीडित चौधरीले बताए ।

आरोपीतहरू फरार भएकाले उनीहरूको खोजी कार्य र घटनाको थप अनुसन्धान भइरहेको जिल्ला प्रहरी कार्यालयका डिएसपी राजेन्द्र रेग्मीले बताए । पीडित पक्षले प्रहरीमा उजुरी दिएका छैनन् ।


लक्ष्मीसाह सोनार