मानव बेचविखन तथा ओसार पसार घटनाका आरोपित विरूद्ध उजुरी

  ०७७ कात्तिक २६ गते

३३ वर्षीया महिलालाई  बेचबिखन तथा ओसार पसार र शरिर बन्धक गरेको आरोपमा पीडितपक्षले  कोहलपुर नगरपालिका–११ का ४० वर्षीय देवबहादुर दमाई विरूद्ध कात्तिक २४ गते इलाका प्रहरी कार्यालय, कोहलपुरमा उजुरी दर्ता गराएका छन् ।

पीडितलाई आरोपितले ०७७  भदौ १३ गते बैदेशिक रोजगारीको लागि इजरायल पठाउने भन्दै भारतमा लगेर बेचबिखन गरेको र बन्धक बनाएर राखेको  पीडितले इन्सेक प्रतिनिधिसँगको भेटमा बताउनु भयो । उहाँले भारतबाट लुकिछिपि भागेर नेपाल आएको बताउनु भयो ।

इलाका प्रहरी कार्यालय, कोहलपुरका सइ रणधिर जैसीले उजुरीका आधारमा आरोपितको खोजी भइरहेको बताउनु भयो ।

पीडितको  स्वास्थ्य परीक्षण कात्तिक २५ गते भेरी अस्पताल, नेपालगञ्जमा गरिएको  एकद्वार सङ्कट व्यवस्थापन केन्द्रकी स्टाफ नर्स कविता पौडेलले बताउनु भयो ।


स्मृति देवकोटा