मानव बेचविखनविरूद्ध सचेतना कार्यक्रम सम्पन्न

  ०७३ भदौ २२ गते

दशौँ मानव बेचविखन तथा ओसारपसार विरूद्धको दिवसको अवसरमा भदौ २२ गते नेपाल भारत सीमा विराटनगरको रानी क्षेत्रमा सचेतनामूलक कार्यक्रमको आयोजना गरिएको छ ।

भारत तथा तेस्रो मुलुकमा लानका लागि प्रयोग गरीने बाटोको रूपमा रहेको रानी सीमा क्षेत्रमा राष्ट्रिय मानव अधिकार आयोग, सिविन, ओरेक नेपाल, महिला मानव अधिकार रक्षक सञ्जाल, माइती नेपाललगायतको संयुक्त आयोजनामा सडक नाटकसहित विभिन्न कार्यक्रम गरिएको हो ।

सो अवसरमा राष्ट्रिय मानव अधिकार आयोग क्षेत्रीय कार्यालय विराटनगरका निर्देशक झङ्कर रावलले ललाई फकाई भारत तथा तेस्रो मुलुक लगेर बेचविखन हुने विषय ठुलो समस्याको रूपमा रहेको बताए ।

निर्देशक रावलले मानव बेचविखन ठुलो समस्याको रूपमा रहेको भन्दै यसको रोकथामका लागि जनचेतना जगाउन जरूरी रहेकेा बताए । सो अवसरमा चेलीबेटी बेचविखन विरूद्धको सडक नाटक 'सावधान' प्रस्तुत गरिएको थियो ।


इन्दिरा भट्टराई