मानव बेचबिखन तथा ओसारपसार घटनाका आरोपित विरूद्ध उजुरी

  ०७६ असार ६ गते

छत्रदेव गाउँपालिका–३ की १४ वर्षीया बालिकालाई बेचबिखन गर्न लागेको आरोपमा भारत दिल्लीमा बसोबास गर्ने २२ वर्षीय अरुण खनाल, पाणिनी गाउँपालिका–७ की ४६ वर्षीया सरस्वती न्यौपाने र सन्धिखर्क नपा–५ की ४५ वर्षीया सावित्रा कुमालविरूद्ध पीडित पक्षले असार ५ गते जिल्ला प्रहरी कार्यालयमा उजुरी दिएको छ ।

आरोपितहरू जेठ ३२ गते विवाह गर्ने भन्दै छोरी माग्न आएका र छोरीको उमेर नपुगेको कारण विवाह नगर्ने भन्दै पठाएपछि प्रलोभन देखाएर भारततर्फ लगेको पीडितकी आमाले बताइन् ।

पीडित बालिकालाई नेपालबाट विवाह गरेको बाहाना बनाइ असार ३ गते भारततर्फ लैजाँदै गर्दा सोधपुछको क्रममा विवाह गरेको प्रमाण नखुलेपछि पीडितको उद्धार प्रहरीको जिम्मा लगाएको हो ।

घटनाका आरोपितविरूद्ध उजुरी आएकोले तीनै जनामाथि मानव बेचबिखन तथा ओसार पसार शीर्षकमा उजुरी दर्ता गरी अनुसन्धान सुरू गरिएको जिल्ला प्रहरी कार्यालयका इन्स्पेक्टर गम्भिरजङ्ग थापाले बताए ।


नारायण भुसाल