मानव अधिकार राष्ट्रिय कार्ययोजना कडाइका साथ लागु गर्नुपर्नेमा जोड

  ०७३ असोज १८ गते

नेपाल सरकारले ०७१ साउनदेखि लागु गरेको मानव अधिकार राष्ट्रिय कार्ययोजना कडाइका साथ लागु गर्नुपर्नेमा स्थानीय सरोकारवालाहरूले जोड दिएका छन् ।

राष्ट्रिय मानव अधिकार आयोग क्षेत्रीय कार्यालय, धनगढीले असोज १७ गते बैतडीमा गरेको अर्न्तक्रिया कार्यक्रममा जिल्ला स्थित सरोकारवालाहरूले उक्त कुरामा जोड दिएका हुन् ।

मानव अधिकारसम्बन्धी कानुनमा सुधार ल्याउन सुझाव सङ्कलन गर्ने उक्त अर्न्तक्रिया कार्यक्रमको आयोजना गरिएको आयोगले जनाएको छ ।

अर्न्तक्रियामा राष्ट्रिय मानव अधिकार आयोग क्षेत्रीय कार्यालय धनगढीका मानव अधिकार अधिकृत पवन कुमार भट्टले मानव अधिकार राष्ट्रिय कार्ययोजना ०७१ का बारेमा जानकारी गराएका थिए ।

प्रमुख जिल्ला अधिकारी किशोरकुमार चौधरीले अबका दिनमा बैतडीमा पनि बालमैत्री, अपाङ्गतामैत्री, महिलामैत्री भौतिक संरचना बनाउने र मानव अधिकार राष्ट्रिय कार्ययोजना ०७१ लाई कडाइका साथ कार्यान्वयन गर्ने प्रतिबद्धता जनाएका छन् ।


नरी बडु