महिलालाई दुर्व्यवहार गरेको घटनाका आरोपित गिरफ्तार

  ०७६ माघ १ गते

२४ वर्षीया महिलालाई दुर्व्यवहार गरेको आरोपमा प्रहरीले उदयपुर जिल्ला कटारी नगरपालिका–५ घर भई भक्तपुर जिल्ला मध्यपुर ठिमी नगरपालिका–२, सानोठिमी बस्ने २५ वर्षीय मिलन दाहाललाई गरिफ्तार गरेको छ । आरोपित दाहाललाई ०७६ पुस २८ गते प्रहरीले काठमाडौँको ढल्कुबाट गिरफ्तार गरेको हो ।

बा २ ख ९३२४ नम्बरको बसका चालक दाहालले लगनखेलको सडक पेटीमा व्यापार गर्ने महिला सामान लिन पुस २८ गते लगनखेलबाट न्यूरोड जाने क्रममा आरोपमा गरेको पीडितले बताउनुभयो । दाहालले बसमा एक्लै भएको मौकामा मोबाइल समेत नियन्त्रणमा लिएर दुर्व्यवहार गरेको उजुरीको आधारमा आरोपितलाई  गिरफ्तार  गरिएको महानगरीय प्रहरी परिसर जावलाखेलका सहायक प्रवक्ता एवम् डीएसपी सन्तोष तामाङले बताउनुभयो ।

पीडित महिलाको स्वास्थ्य परीक्षण पुस २८ गते पाटन अस्पताल ललितपुरमा गरिएको अस्पतालले जनाएको छ । आरोपित बिरुद्व महिलामाथि दुर्व्यवहार मुद्दामा जिल्ला प्रशासन कार्यालय ललितपुरबाट म्यादथप गरी अनुसन्धान भइरहेको प्रहरीले जनाएको छ ।


दीपकप्रसाद घिमिरे