महिलामाथि कुटपिट गर्ने विरुद्ध उजुरी दर्ता

  ०७६ चैत ६ गते

जनकपुरधाम उमनपा–२२ विसविट्टी बस्ने २४ वर्षीया पुनम देवी मुखिया, २२ वर्षीया गर्भवती सुलेखा देवी मुखिया र ४६ वर्षीया आशा देवी मुखियालाई कुटपिट गरेको आरोपमा सोही वडाका ४५ वर्षीय फूलगेन मुखिया, २१ वर्षीय चन्दन मुखिया र १९ वर्षीय चन्चल मुखियाविरुद्ध चैत ६ गते जिल्ला प्रहरी कार्यालय धनुषामा उजुरी दर्ता भएको छ ।

photo20200319dhanusha (2)
चन्दन मुखिया र सरोज मुखिया बिच आपसी गालीगलौज भइरहेको बेलामा झगडा छुटाउन पुगेका सरोजका दिदी पुनम देवी मुखिया, गर्भवती सुलेखा देवी मुखिया र आमा आशा देवी मुखियालाई चैत ५ गते दिउँसो कुटपिट गरेको पीडित आशा देवीले बताउनु भयो ।

कुटपिटबाट घाइते पीडितहरूको चैत ५ गते प्रादेशिक अस्पताल जनकपुरमा उपचार गरिएको छ । गर्भवती सुलेखाको तल्लो पेटमा चोट लागेको कारण उहाँको अझै उपचार भइरहेको पीडित आशा देवीले बताउनु भयो ।

photo20200319dhanusha (1)

पीडितको उजुरी आएकाले आरोपितहरूलाई गिरफ्तार गरि आवश्यक कारवाही गरिने जिल्ला प्रहरी कार्यालय धनुषाका प्रहरी इन्स्पेक्टर अवधकिशोर यादवले जानकारी दिनु भयो ।


दिपेन्द्रप्रसाद सिंह