घरेलु हिंसा घटनाका आरोपित देवर गिरफ्तार

  ०७७ असार १३ गते

सिमकोट गाउँपालिका–७ की ३५ वर्षीया साहादेवी छत्याललाई कुटपिट गरेको आरोपमा ३३ वर्षीय देवर नवराज छत्याललाई प्रहरीले असार १२ गते गिरफ्तार गरेको छ ।

आरोपित छत्यालकी भाउजु र आमाको सामान्य विवाद भएपछि आमासँग झगडा गरेको भन्दै भाउजुलाई मार्ने उद्धेश्यले कुटपिट गरी घाइते बनाएको पीडितका पति सेत्या छत्यालले आरोप लगाउनुभयो ।

असार ११ गते ढाडमा निलडाम हुने गरी ढुङ्गा प्रहार गरेर कुटपिट गरेपछि न्यायका लागि असार १२ गते जिल्ला प्रहरी कार्यालयमा उजुरी गरिएको पीडितका पतिले इन्सेकसँग बताउनुभयो । उहाँका अनुसार घाइतेको जिल्ला स्वास्थ्य सेवा कार्यालय हुम्लामा उपचार भइरहेको छ ।

उजुरीका आधारमा आरोपितलाई गिरफ्तार गरी अनुसन्धानका लागि जिल्ला प्रहरी कार्यालय हुम्लाको हिरासतमा राखिएको डिएसपी सुर्यप्रकाश सुवेदीले बताउनु भयो । घटनाका बारेमा अनुसन्धान गरी छलफल गर्ने उहाँको भनाइ छ ।


नन्द सिंह