समाचारहरू

असार १४ गते हुन लागेको दोश्रो चरणको स्थानीय तह निर्वाचनमा भयरहित वातावरणमा ढुक्क भएर मतदान गर्न निर्वाचन आयुक्त सुधीरकुमार साहले आग्रह गरेका छन् ।

असार ८ गते निर्वाचनको गतिविधिको बारेमा अनुगमन गर्न बैतडी पुगेको आयोगको टोलीका प्रमुख साहले यस्तो आग्रह गरेका हुन् । 'कसैको करकापमा नपरी आफूले इच्छ्याएको व्यक्तिलाई मत दिनुहोस ।'-साहले भने ।

भारतसंग सिमाना जोडिएकाले जिल्लामा सुरक्षा चुनौती हुनसक्ने विश्लेषण गरी ३१ मतदान स्थललाई सुरक्षा सम्म्वेदनशील घोषणा गरिएको छ ।

निर्वाचनको सुरक्षालाई मध्यनजर गर्दै प्रत्येक मतदान केन्द्रमा आवश्यक मात्रामा सुरक्षाकर्मी खटाइसकिएको प्रमुख जिल्ला अधिकारी तुलसीराम पौडेलले बताए ।

 

नरी बडु